Futbola produktu gisa azken urteetan negozio hutsa bilakatu da. FIFAk diru pila bat kudeatu egiten du, beti ere, euren interesen alde. Eta gauzak horrela … zer geratzen zaigu futbolaren kontzeptu erromantikoaz? Ia ezer! zoritxarrez, gaur egun futbolaz gazteei munduan zehar plazaratzen ari zaien irudia honako hau da: futbol profesionaleko izarrenak, arrakasta ekonomikoaz eta norbanakoaren garaipenetan besterik ez dira agertzen gure komunikabideetan. Ondorioz, futbol amaterra, aisialdia eta dibertimendu bezala ez dago batere kontsideraturik, non talde lana, jokalarien arteko elkartasuna zein laguntasuna ez dira batere kontutan hartzen.

Aldiz, gure Goianeko taldetik honela ikusten dugu futbola eta aretoko futbola ere: partiduak bi lagun talde osaturik daude; beste taldekoak ez dira gure arerioak, gurekin batera jokatzen dutenak baizik; talde kideei ohiukatu beharrean animatu eta sostengatu egiten ditugu; bideoan bezala ospaturik ez dugun golak ez du baliorik guretzako; taldekide zein beste taldekideekiko errespetua erabateko izan behar da, epailea eta entrenatzailea bezala noski.

Beraz, disfrutatu dezagun guztiok elkarrekin futbolaz eta gure aisialdian lagun berriak egin ditzagun kirola praktikatzen dugun bitartean!